29 Qershor 2020: Bleta Hajdini ka përfunduar studimet bachelor në Universitetin e Prishtinës në fakultetin e bujqësisë dhe veterinarisë në drejtimin Agroekonomi, pas studimeve bachelor ajo ka vazhduar me studimet master në po të njejtin fakultet në drejtimin Ekonomia e Bujqësisë dhe Ushqimit.
Bleta ka themeluar kompaninë e saj para dy viteve. Përmes kësaj kompanie ajo tenton ti ofroj tregut produkte kualitative dhe në të ardhmen të filloj eksportin edhe në vendet e tjera të BE.
Produktet e përpunuara nga frutat dhe perimet janë të kualitetit shumë të lartë dhe tani kompania do të filloj të punoj edhe në përpunimin e tyre në produkte alkoolike.
Përmes këtij projekti kompania FruttonUP ka arritur te ngris kapacitetet dhe të lehtësoj punën në prodhim.
Bleta është përfituese e grantit Start-Up përmes projektit “Mundësitë e grave në treg, ekonomi dhe rrjetëzim” WOMEN i cili implementohet nga Kosova – Women 4 Women ndërsa financohet nga Qeveria Gjermane përmes GIZ Kosovo.